|
|
|
|
GESKIEDKUNDIGE ONTWIKKELINGGallery van Foto's uit die Verlede
Foto: Thinus Maritz Hoërhandelskool In Januarie 1924 is met private klasse in die gebou van die Paarlse Onderwyserskollege begin. In 1927 is die private klasse, wat hoofsaaklik handelsvakke aangebied het, vanaf die Paarlse Onderwyserskollege na die destydse Hoërskool Gimnasium verskuif. Op ‘n bestuursvergadering in Maart 1929 word gerapporteer dat die destydse plaaslike tak van die Helpmekaarvereniging die woning en erf van mnr. J.H. Neethling (Neethlingshof) vir R4 800 (£2 400) ten behoewe van die skool aangekoop het. Op die perseel is die latere Hoër Handelskool Paarl opgerig. Die amptelike opening van hierdie skool is waargeneem deur dr. D.F. Malan, destydse Minister van Onderwys en later Eerste Minister van die Unie van Suid-Afrika. Op 22 Mei 1933 is ‘n amptelike skoolwapen goedgekeur.
Hoërskool Labori Vanaf Januarie 1989 bied die skool volwaardige Handel-, Algemene- en Tegniese Studierigtings aan. Die huidige skoolkleure en skoolwapen is gedurende Januarie 1989 in gebruik geneem. Met die implementering van die nuwe kurrikulum van Verdere Onderwys en Opleiding van die Departement van Onderwys in die begin van 2006, varander Labori sy fokus na 'n skool vir Ingenieurs- en Rekenaarolpleiding.
HUIDIGE SKOOLWAPEN Die heraldiese beskrywing of blasoenering is soos volg:
SIMBOLIEK VAN SKOOLWAPEN Die klassieke Mercuriushoed met sy twee vlerke in die skildhoof (in rooi op silwer) word as simbool van handel gebruik, soos ook die sg. Mercuriusstaf in die wapen van die Kaapse Tegniese Kollege. Op die hoofgedeelte van die skild (met ‘n rooi agtergrond) is die silwer suil of pilaar, simbool van standvastigheid en wysheid. Op die suil ‘n goue fleur-de-lis op ‘n blou skyf simboliseer die Paarl (deel van die Paarl se wapen) en is ook eie aan die provinsiewapen. Die goue kamratte aan weerskante van die suil is oorkoepelend simbool van die tegniese studierigtings en gee ewewig aan die wapen as geheel. Die goue band met die wapenspreuk daarop dien as fondament of stut en rond die geheel af.
SKOOLLEUSE
Die Latynse selfstandige naamwoord, LABOR,-ORIS beteken onder meer:
SKOOLLIED
|
